Bilang 19:11-13

Ang Salita ng Dios (Tagalog Contemporary Bible)

¹¹ “Ang sinumang hihipo sa bangkay ay ituturing na marumi sa loob ng pitong araw. ¹² Kailangang linisin niya ang kanyang sarili ng tubig na ginagamit sa paglilinis sa ikatlo at ikapitong araw. Pagkatapos, ituturing na siyang malinis. Pero kung hindi siya maglilinis sa ikatlo at ikapitong araw, hindi siya ituturing na malinis. ¹³ Ang sinumang makakahipo sa bangkay na hindi naglinis ng kanyang sarili^[a] ay para na rin niyang dinungisan ang Tolda ng Panginoon. Kailangang huwag na ninyong ituring na kababayan ang taong iyon. Dahil hindi siya nawisikan ng tubig na ginagamit sa paglilinis, marumi pa rin siya.